Last ned datasett
Her kan du få tilgang til data frå dei to spørjeundersøkingane.
Datasett for Studentundersøkinga
Data finst for kvart enkelt studieprogram. Datasetta inneheld:
- Dei same dataa som vert vist i nettportalen; primært gjennomsnittstal for kvart studieprogram
- Data frå siste år
- Svarskalaen går, med få unntak, frå 1–5, med 5 som beste score
Klikk lenkja under for å lasta ned:
Programdata Studiebarometeret 2023
Kodebok Studiebarometeret 2023
Dataa har studieprogram som observasjonseining. Berre siste års data er tilgjengeleg. Studieprogram med få svarande siste år har vorte slått saman med data for året før, dette indikerast med verdien "1" i variabelen "aggregerte_data". Verdien "1" i variabelen terskel indikerer at det er mange nok svarande for eit program (i ett år eller etter eventuell samanslåing over de to siste årene) til at vi viser data i portalen og dermed i reknearket.
Viktig og nyttig informasjon
Bruk av Excel
Dataformat for eksport er det opne formatet "csv", som t.d. Excel tolkar. For tilpassing av kolonnebreidder kan følgjande gjerast: trykk CTRL + A to gonger, dobbeltklikk mellom t.d. kolonne A og B. Då vert breidda tilpassa på alle cellene..
Publisering av data
Den som nytter data pliktar å referera til produsent og distributør av dataa ved å skriva følgjande i forord eller fotnote i eventuelle publikasjonar:
”(Ein del av) dei data som er nytta her er henta frå Studiebarometeret. Undersøkinga er finansiert av Kunnskapsdepartementet (KD). Data i anonymisert form er stilt til disposisjon av NOKUT gjennom NSD - Norsk senter for forskingsdata AS. Verken NOKUT, KD eller NSD er ansvarleg for analysen av dataa, eller dei tolkingane som er gjort her.”
Vi gjer oppmerksam på at det er systematiske skilnader mellom studieprogram i ulike fagområde, ei samanlikning bør difor helst verta gjort av like, eller relativt like, studieprogram.
Jo færre svarande eit studieprogram har, jo mindre robust er dataa.
Vidare vil vi understreka at opplevinga til studentane av utdanningskvalitet er éi kjelde til informasjon og bør difor ikkje sjåast på som den fulle sanninga. Andre perspektiv, til dømes synspunkta til lærarane og registerdata seier òg noko om utdanningskvalitet.